SUSPERGINTZAko Ignacio Moyari elkarrizketa

Izena

Ignacio Moya (Whiky).

Zer erakundetan egiten duzu lan?

Suspergintzan.

Zenbat urte daramazu sektorean?

Boluntario modura 1986az geroztik parte hartu dut sektorean; langile modura 1988an hasi nintzen, aldi baterako lehenengo lan‑kontratuekin (udalekuetako begirale, etab.), baina, berez, 1996az geroztik hasi nintzen jarraian lan egiten.

Zer sareren parte zara?

Gizardatz

Sarean modu aktiboan parte hartzen duzu?

Bai, sortu zenetik.

Zer onura ditu erakundeentzat Hirekinen parte izateak?

Esku‑hartze sozialeko sektorearen dimentsio autonomikoaren begirada. Mende honetako lehenengo hamarkadan lurraldeko sareak eratzen hasi zirenean, erakunde gehienok gure lurraldeari guztiz lotuta zegoen lan egiteko modua genuen, baina, gaur egun, gero eta ohikoagoa da lurralde batean baino gehiagotan lan egitea eta probintziaren esparrutik harago doazen programak garatzea.

Eta lurraldeko sarearen parte izateak?

Antzeko errealitateak, arazo berdinak bizi dituzten eta antzeko erronkak, zailtasunak, harremanak, eta abar dituzten hurbileko erakundeekin lotura izatea. Ehun sozial berberaren parte dira, eta guztioi eragiten diguten elementuetan posizio bera izateko aukera ematen digu (sektoreko lan‑harremanak eratzea, etab.).

Zure ustez, zeintzuk dira sare moduan erdietsi diren lorpen garrantzitsuenak?

Hirugarren sektorea egituratzeko lan egitea eta, agente sozial gisa, hura sustatzea.

Sektoreko administrazio publikoekin ditugun elkarrizketetan eragile ezagun eta baloratua izatea.

Eta sektorean?

Lurraldeko hitzarmen kolektibo sektorialen konfigurazioa eta definizioa ahalbidetzea eta horietan parte hartzea.

Zeintzuk dira hirugarren sektore sozialaren erronkak?

Esku‑hartze sozialeko eragile sozial garrantzitsu gisa finkatzea, zeinak sektore publikoarekin batera lan egiten duen eta ehun sozial aktiboa sustatzen eta gidatzen duen. Herritarren ekimen asketik sortzen diren erakundeek osatu beharko lukete sektorea, eta erakunde horiek herritarren elkartasun antolatua eta parte‑hartze soziala bideratu beharko lukete.

Erronka horien aurrean, zer egin daiteke sare moduan?

Hirugarren sektoreak egiten duen esku‑hartze soziala defendatzea eta prestigioa ematea, bai eta horren garapena eta elkartasun‑kultura sustatzea ere.

Zer ekarpen berri egiten ditu hirugarren sektore sozialak? Zerk egiten gaitu berezi?

Zerbitzuak ematen ditu esperientzian oinarrituta eta arreta soziala behar duten pertsonekin etengabeko harremana izanez, eta zerbitzu horien onurak eta fluxuak gizarteari itzultzen dizkio; izan ere, komunitatearen garapenean eragin eta herritarren parte‑hartzea sustatzen du.

Este sitio web utiliza cookies para que usted tenga la mejor experiencia de usuario/a. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies